छत्रपती शिक्षण मंडळ ,कल्याण संस्थेने १ व २ डिसेंबर २०१७ रोजी नूतन कर्णिक रोड कल्याण ह्या शाळेत प्राथमिक विभाग मुख्याध्यापक व शिक्षकांसाठी कार्यशाळा आयोजित केली होती.काळानुरूप आपले ज्ञान अद्यावत ठेवून ,अध्ययन अध्यापन रचनावादावर आधारित ,विद्यार्थी सुसंवाद साधणारे,ज्ञान –व्यवहार ह्याची सांगड घालणारे असावे ह्या व्यापक दृष्टीने कार्यशाळा आयोजित केली होती.

१ डिसेंबर उद्घाटन सत्रात संस्थेचे चिटणीस मा.श्री.कडू ह्यांनी कार्यशाळेची आवश्यकता अनेक उदाह्र्रणाद्वारे सांगितली.
संस्था कार्यकारिणी सदस्य मा.श्री.रत्नाकर फाटक ह्यांनी शिक्षक मुख्याध्यापक मनोभूमिका ,ताणतणाव व्यवस्थापन ह्या विषयावर मार्गदर्शन केले.शिक्षकांचा सक्रिय सहभाग घेतला.

मानसोपचारतज्ञ डॉ.संदीप जाधव ह्यांनी विशेष गरजा असणाऱ्या विद्यार्थ्यांच्या शिक्षण समस्या व आव्हान ह्या विषयावर सविस्तर मार्गदर्शन केले.शिक्षकांनीही आपापल्या वर्गातील विशेष विद्यार्थी वर्तणूक समस्या त्यावरील उपाय ह्यांसंदर्भात शंकाचे निरसन करून घेतले.मुलांनी हुशार असण्यापेक्षा चाणाक्ष असावे ह्यावर त्यांनी भर दिला.

संस्था सदस्य मा.श्री.धंनजय पाठक ह्यांनी डिजिटल वर्ग आणि अभ्यास ह्यासंदर्भात मार्गदर्शन केले.डिजिटल वर्गाचे फायदे शिक्षक विद्याथी, शाळेला कसा होतो त्यांनी व्हिडिओ दृक्श्राव्य साधनातून दाखवून दिले.शिक्षकांनीही ह्या सत्रात सक्रिय सहभाग घेतला.MIND MAPचा वापर,आत्मविश्वासाने इंग्रजीचा वापर ह्यांसंदर्भातही चर्चा झाली.

ठाणे जिल्हाधिकारी मा.सौ.मीना यादव ह्यांनीही कार्यशाळेला भेट दिली व सर्वाना शुभेच्छा दिल्या.
२ डिसेंबर २०१७ रोजी मा.सौ.नीता माळी(ओक हायस्कूल शिक्षिका,तज्ञ मार्गदर्शक तालुका राज्य स्तर) ह्यांनी विद्यार्थी शिक्षक सुसंवाद ,मी ते आम्ही वाटचाल ,वाचन,स्वमूल्यमापन ,टिम व्यवस्थापन अतिशय प्रभावीपणे ,अनेक उदाहरणातून सांगितले.

मा.सौ.उत्तरा गोखले (मुख्याध्यापक NRC ENGLISH PRIMARY),मा.सौ.हंसा पटेल (NRC TEACHER) ह्यांनी सेमी इंग्रजी अध्ययन अध्यापन अडचणी व उपाय ह्यावर चर्चासत्र घेतले.

संस्था अध्यक्ष मा.डॉ.जोशी ह्यांनी शिक्षक कार्यशाळेला भेट दिली .सर्वाना शुभेच्छा दिल्या.वाचन,उपक्रमांची नोंद ठेवा.दोन दिवसातील सत्राचा आढावा घेतला.
सत्राच्या शेवटी मा.श्री.रत्नाकर फाटक ह्यांनी ऋणनिर्देश व्यक्त केले. दोन दिवसाची शिदोरी विद्यार्थ्यासाठी शिक्षक अंमलात आणतिलच व स्वमूल्यमापनाने विकसित होतील ह्या आशावादाने कार्यशाळेची सांगता झाली.

सौ.ऋतुजा गवस.
विवेकानंद संकुल सानपाडा.