"झाले संस्कार अक्षरावर आमुच्या"!!

आज पुन्हां आमच्या शाळेत अक्षरशाळा भरली आमचे विद्यार्थी नक्कीच मोठे तरीही अक्षरशाळेत इयत्ता मोठा शिशुचे विद्यार्थी होऊन पुनश्च मुळाक्षरे तंत्रशुध्द पध्दतीने श्री अरविंद शेलार यांच्या अक्षरशाळेत लिहीत होती अगदी मन लावून जणू वाटतं होत की फळयावरील प्रत्येक अक्षर सांगत होत अरे बाळांनो खरं माझं रूप असं आहे .२७० विद्यार्थी सहभाग असलेल्या अक्षर शाळेत विद्यार्थ्यानमध्ये आणि पालकांमध्ये प्रचंड ऊत्सुकता होती अक्षर शाळेत काय शिकणार?

विद्यार्थ्यांची अक्षरे पाहिली की वाटते की नक्की पालकांनी यांना पेन धरायला शिकवला असेल का किंवा पेंसिल धरायला शिकवले असेल कारण जेवढी विद्यार्थ्यांची बोटे मोबाईल किंवा कंप्यूटर वर चालतात तितकी सुंदर रित्या वहींत चालत नाही आणि मुळात यांना लिहण्याचा कंटाळा येतो अकारण असे ही वाटुन जाते की आई ने त्याच्या पाचवीला कदाचित वहीं पेना ऐवजी मोबाईल पुजला असेल असो परंतु मोबाईलचा शालेय जीवनातील वापर वाढला आहे हे सत्य कोणीही नाकारू शकत नाही.

म्हणूनचं आम्ही आमच्या शाळेत विद्यार्थी च्या .बुध्दीला चालना देणारे उपक्रम राबवतो जेणे करून विद्यार्थी आपले आवड छंद जोपासतात .वाचन करतात लिखाण करतात त्यातील हा एक उपक्रम म्हणजे अक्षरशाळा होय.विद्यार्थी लिहतात परंतु काही विद्यार्थ्याचे त्यांचे हस्ताक्षर हे खूप खराब असते आणि विद्यार्थी ते चुकीच्या पध्दतीने लिखाण करतात .

शेलार सरांच्या अक्षर शाळेत तंत्र शुद्ध पद्धतीने अक्षर लेखन केले अक्षरांचे अवयव त्यांची योग्य पद्धतीने जोडणीकशी केली जाते हे त्यांनी विद्यार्थ्याना विविध अक्षरांचे गट करून शिकवले दंड कशास म्हणावा अक्षरांचा देठ कोणता प्रमाणबद्ध अक्षर कसे काढावे तंत्र विद्यार्थ्याना शिकवले .दोन ओळीत अक्षर लिहीताना किती लांबी आणि उंचीचे असावे हे ही सांगितले आणि.

आश्चार्याची बाब म्हणजे कार्यशाळेच्या पहिल्या दिवशी सरांणी विद्यार्थ्याकडून प्रत्येकाचा हस्ताक्षर नमुना घेतला होता आणि नंतर कार्यशाळेच्या शेवटच्या भागात पुनश्च हस्ताक्षर लिहून घेतले आणि फलऋृतीचा अनुभव आला ८५%विद्यार्थ्याच्या अक्षरात बदल झालेला दिसून आला .म्हणजे रोज पान भर शुध्दलेखन लिहले की अक्षर सुधारते हा शिक्षक आणि पालक यांचा भ्रम मोडीत निघाला .आणि तंत्रशुध्द पद्धतींने हस्ताक्षराचा सराव केला तर प्रत्येक विद्यार्थ्याचे हस्ताक्षर सुंदर येईल यात शंकाच नाही. आमचे विद्यार्थी तर शिकलेच पण शिक्षकांना ही अक्षर रेखाटना विषयी ज्ञानप्राप्त झाले.

हे सर्व उपक्रम राबवित असताना आमच्या शाळेच्या लाडक्या मुख्याध्यापिका सौ मीनाक्षि गागरे यांची साथ ,मार्गदर्शन नवीन काही करण्याची ऊर्मी ही त्यांच्या कडून आम्हांस प्राप्त होते नवनवीन संधी त्या आम्हांस प्राप्त करून देतात जर असे मुख्याध्यापक मराठी शाळांना लाभले तर मराठी शाळा कधीच बंद पडणार नाहीत तर त्या नेहमीच अग्रेसर असतील तसेच उपमुख्याध्यापक श्री निकुम ,पर्यवेक्षक भंगाले तसेच आमचा शिक्षकवृंद ,ग्रंथपाल तेलंगे यांच्या सहकार्याने असे विद्यार्थी पूरक आणि मराठी शाळा व तिचे वेगळेपण जपणारे उपक्रम आम्ही आमच्या शाळेत राबवत असतो आणि आमचे पालक ही आम्हांस प्रोहत्साण देतात.

ज्या प्रमाणे आमची शाळा वाचन चळवळ महाराष्ट्रांतील प्रत्येक शाळेत पोहचवण्यासाठी प्रयत्नशील आहे त्याचं प्रमाणे सुंदर हस्ताक्षराची आवड, ओढ महाराष्ट्रांतील प्रत्येक शाळेतील विद्यार्थ्यामध्ये रुजण्यासाठी आम्ही प्रचार आणि प्रसार करण्यासाठी प्रयत्नशील राहु.
धन्यवाद !!

मोतीसम हस्ताक्षर आम्ही काढू
संस्कार आमचे आम्ही त्यांत उतरवू
जरी झालो तंत्रशील आम्ही
तरी अक्षरशील आम्ही जोपासू

छत्रपती शिक्षण मंडळ
नूतन ज्ञानमंदिर, कल्याण (पू )