छत्रपती शिक्षण मंडळ, कल्याण संचलित पूर्व प्राथमिक व प्राथमिक विद्यालय विवेकानंद संकुल सानपाडा शाळेत २१ जानेवारी २०१७ रोजी संध्याकाळी ४ ते .३० ह्या वेळेत हळदीकुंकू महिलासखी मेळावा आयोजित केला गेला होता.

शाळेतून सामाजिक बांधिलकी, सांस्कृतिक स्नेह्बंध,सणातून शाळा व समाज एकत्रितपणे वाटचाल करण्यासाठी हया कार्यक्रमाचे आयोजन केले होते. कार्यक्रमास माजी आमदार मा.संजीवनी रायकर, मा.श्री.अनिल बोरनारे (महाराष्ट्र राज्य शिक्षक परीषद मुंबई, उत्तर विभाग अध्यक्ष) श्री.शिवाजी भोसले (शिक्षक परिषद कोषांध्यक्ष) ,श्री.सौ.मतलापूरकर ,सौ.कोमल वास्कर (नगरसेविका सानपाडा), श्री.सौ.अमित जाधव (आई प्रतिष्ठान अध्यक्ष), डॉक्टर किरण चिचकर, सौ.वसुधा सावंत (सुयोग travels मालक) तसेच अनेक महिला सखी मान्यवर व बहुसंख्येने महिला सखी उपस्थित होत्या.

श्रीमती रायकर madam ह्यांनी थोडक्यात पण बहुमोल असे मार्गदर्शन केले.पालकांची आपल्या पाल्याबाबतची भूमिका काय असावी,संस्कार,शिक्षण ,जागरूकता ह्यावर भर दिला.

कार्यक्रमाचे विशेष म्हणजे हसत खेळत स्त्री सक्षमीकरण करणारा प्रश्नमंजुषा कार्यक्रम-होम मिनिस्टर पैठणीचा खेळ महिला पालक व शिक्षकांसाठी आयोजित केला होता. श्री.अमित जाधव (आई प्रतिष्ठान अध्यक्ष) ह्यांनी हा खेळ घेतला. उखाणे घेणे,विविध खेळ,सामान्यज्ञानावर आधारीत प्रश्नमंजुषा कार्यक्रम हसतखेळत विविध फेऱ्यातून पालकवर्गातून पुढील तीन सख्या पैठणीच्या मानकरी ठरल्या:-
प्रथम क्रमांक – सौ. जया परमेश्वर तोरकड .
द्वितीय क्रमांक – सौ. सिद्धी संतोष गावडे .
तृतीय क्रमांक – सौ. शोभा भीमराव जाधव.
तसेच शिक्षकवर्गातून सौ. ऋतुजा रविंद्र गवस ह्या शिक्षिकेने पैठणी पटकावली.
सन्माननीय मान्यवरांच्या हस्ते विजेत्यांना पैठणी देण्यात आली.

कार्यक्रमास आलेल्या महिला सखीना वाण,गुलाबपुष्प,अल्पोपहार देण्यात आला. कापडी पिशव्यांचा वापर करावा ह्या हेतूने,पालक विद्यार्थ्याकडून कापडी पिशव्या बनवून घेण्यात आल्या होत्या.ह्या कापडी पिशव्यातूनच फळे,वाण देण्यात आले.

मुख्याध्यापिका सौ.शीला ठाकूर(प्राथमिक विभाग),सौ,सुवर्षा सागवेकर (पूर्व प्राथमिक विभाग) ह्यांच्या मार्गदर्शनाखाली, शिक्षक, शिक्षकेतर कर्मचारी, पालकवर्गाच्या सहकार्यातून कार्यक्रम संपन्न झाला.

विवेकानंद संकुल सानपाडा.